Kvöldkaffi í Garðabæ á fimmtudagskvöldið !

Heil og sæl.

Haustið er komið með værðarlegum kvöldum við kertaljós, haustið er líka tíminn okkar í AGLOW þegar við söfnumst saman eftir sumarið til að lofa Guð, hitta hvor aðra, tengjast nýjum vináttuböndum og eiga uppbyggilegt kvöld saman.

Hauststarfið byrjar í Garðabæ, nánar í Skátaheimilinu á fimmtudaginn 10. september. Húsið opnar kl. 20.00 – Kvöldið byrjar á spjalli, síðan tökum við fram gítarinn og syngjum saman uppáhalds lögin okkar og biðjum saman fyrir innsendum bænaefnum.  Ræðukona kvöldsins er   Helena Leifsdóttir, formaður hópsins í Garðabæ.  Veglegar kræsingar verða á hlaðborðinu og kertaljós – Yndisleg stemming.  Aðgangseyrir kr. 700

Aglow kvöld er yndisleg upplifun sem  engin kona má missa af. Taktu með þér allar vinkonur þínar því  blessun Guðs er líka ætluð þeim.  
Sjáumst á fimmtudagskvöldið í Skátaheimilinu v/ Bæjarbraut í Garðabæ !

Kíktu á heimasíðuna okkar aglowgb.net

Guðs blessun til þín.

 

Jerúsalem - Hvað er svo sérstakt við þessa borg?

 

Í raun er ekki nein sérstök fegurð þar.  Margar höfuðborgir eru miklu fegurri. Þar eru engin vötn né tjarnir. Það má segja að borgin sé í miðri eyðimörk, þakin ryki og grjóti. Það eru margar fallegar hæðir umhverfis borgina, og bak við þær hafa margir óvinaherir getað leynst þegar þeir réðust til atlögu við hana.  Þar eru engin há fjöll, enginn villtur skógur.
Engin olía né gull og engir verðmætir steinar. Þrátt fyrir þetta hafa margar þjóðir hertekið borgina og viljað eignast hana...
Ólafur Jóhannsson, vinur minn og bróðir í Kristi skrifar þarfa áminningu á blogginu sínu í dag 19. ágúst

 Við hjónin í Jerúsalem 2007

Biðjið Jerúsalem friðar, hljóti heill þeir, er elska þig.

 

Kærleikur Guðs og umhyggja umvefji þig í dag
Helena Leifs, ( aglow.is )

Kotmót í Fljótshlíð um helgina.

Gamall fiðringur hreiðrar um sig þegar Kotmót nálgast. Tjald, svefnpoki og smá nesti í poka, gítar og regnföt ,  fullthús af gleði og blessun er KOTMÓT. Kotmót verður haldið í sextugasta skipti í Kirkjulækjarkoti í Fljótshlíð. Hugsið ykkur, Sextíuára afmæli þar sem þúsundir koma saman  til að taka þátt í útihátíð sem er án vímuefna. Barnamót – Unglinga geim og tónleikar , samkomur í Örkinni þar sem Guðsorð er prédikað , mikil lofgjörð og tilbeiðsla. Er hægt að hugsa sér betri helgi ? Kotmót er líka eins og risastórt ættarmót, fjölskyldur sameinast, ættingar og vinir sem búa víðsvegar um landið hittast í Kotinu og þá er nú gaman.

 

André Crouch ásamt hljómsveit og Gospelkór mun heiðra hátíðargesti á sunnudagskvöldið 2. ágúst kl.22.00 magnaðir tónleikar í Örkinni, eins gott að mæta tímanlega.

Heilbrigð skemmtun fyrir alla, kiktu á heimasíðuna KOTMÓT

Sjáumst í Kotinu

Aglowkonur á Kotmóti; Bryndís,Unnur og Helena ( og Rútur )

 

Guð blessi ykkur.

Helena

MIGHTY TO SAVE -

Jesús sagði ; Hjarta yðar skelfist ekki. Trúið á Guð og trúið á mig.
Jesús sagði, Ég er Vegurinn - Sannleikurinn og Lífið

 Mighty to save

Everyone needs forgiveness,
The kindness of a Saviour;
The Hope of nations.

Saviour, He can move the mountains,
My God is Mighty to save,
He is Mighty to save.

Forever, Author of salvation,
He rose and conquered the grave,
Jesus conquered the grave.

So take me as You find me,
All my fears and failures,
Fill my life again.

I give my life to follow
Everything I believe in,
Now I surrender.

My Saviour, He can move the mountains,
My God is Mighty to save,
He is Mighty to save.
Forever, Author of salvation,
He rose and conquered the grave,
Jesus conquered the grave.

Shine your light and let the whole world see,
We're singing for the glory of the risen King...Jesus (x2)

 

Því að svo elskaði Guð heiminn

Hver trúði því, sem oss var boðað, og hverjum varð armleggur Drottins opinber?
Hann rann upp eins og viðarteinungur fyrir augliti hans og sem rótarkvistur úr þurri jörð. Hann var hvorki fagur né glæsilegur, svo að oss gæfi á að líta, né álitlegur, svo að oss fyndist til um hann.

Hann var fyrirlitinn, og menn forðuðust hann, harmkvælamaður og kunnugur þjáningum, líkur manni, er menn byrgja fyrir andlit sín, fyrirlitinn og vér mátum hann einskis.

En vorar þjáningar voru það, sem hann bar, og vor harmkvæli, er hann á sig lagði. Vér álitum hann refsaðan, sleginn af Guði og lítillættan, en hann var særður vegna vorra synda og kraminn vegna vorra misgjörða. Hegningin, sem vér höfðum til unnið, kom niður á honum, og fyrir hans benjar urðum vér heilbrigðir.

Vér fórum allir villir vega sem sauðir, stefndum hver sína leið, en Drottinn lét misgjörð vor allra koma niður á honum. Hann var hrjáður, en hann lítillætti sig og lauk eigi upp munni sínum. Eins og lamb, sem leitt er til slátrunar, og eins og sauður þegir fyrir þeim, er klippa hann, lauk hann eigi upp munni sínum.

Með þrenging og dómi var hann burt numinn, og hver af samtíðarmönnum hans hugsaði um það? Hann var hrifinn burt af landi lifenda, fyrir sakir syndar míns lýðs var hann lostinn til dauða.
Og menn bjuggu honum gröf meðal illræðismanna, legstað með ríkum, þótt hann hefði eigi ranglæti framið og svik væru ekki í munni hans.

En Drottni þóknaðist að kremja hann með harmkvælum: Þar sem hann fórnaði sjálfum sér í sektarfórn, skyldi hann fá að líta afsprengi og lifa langa ævi og áformi Drottins fyrir hans hönd framgengt verða.

Vegna þeirra hörmunga, er sál hans þoldi, mun hann sjá ljós og seðjast. Þá menn læra að þekkja hann, mun hann, hinn réttláti, þjónn minn, gjöra marga réttláta, og hann mun bera misgjörðir þeirra.

Fyrir því gef ég honum hina mörgu að hlutskipti, og hann mun öðlast hina voldugu að herfangi, fyrir það, að hann gaf líf sitt í dauðann og var með illræðismönnum talinn. En hann bar syndir margra og bað fyrir illræðismönnum.
Jesaja 53; 1 -12

Aglowfundur í Reykjavík í kvöld kl.20

Aglowkonur í Reykjavik verða með fund í SEM salnum Sléttuvegi 3, í kvöld kl.20.00

Það er alltaf jafn yndislegt að kíkja á Aglow hlusta á uppbyggilegt Guðsorð, biðja saman og
syngja. Í kvöld mun Rut Guðmundsdóttir fjalla um efnið "Hvernig heyrum við Guð tala"
Guðrún HLín mun spila á píanóið og leiða sönginn.
Að sjálfsögðu verða gómsætar veitingar aðhætti Aglowkvenna.

Frábært kvöld framundan með Aglow konum í Reykjavik.

Ef þú vilt kynna þér Aglowstarfið nánar eru mánaðarlegir fundir opnir fyrir
allar konur/ stúlkur sem vilja kynna sér starfið nánar. 
Þú ert hjartanlega velkomin að þiggja kaffi og spjalla við okkur.

Guð blessi þig margfaldlega.

Jesús er ég nefni nafnið þitt
nálgast þú og blessar lífið mitt
Þú læknar sérhvert sár
og þerrar sorgartár
Jesús er ég nefni nafnið þitt.

 

Bannað að nota playmó í barnastarfi

Verð að deila þessari frétt með ykkur um prestinn og Playmobil leikföngin sem vinir mínir " Rödd í óbyggð" skrifa um í dag. Eins og þið flest þekkið eru Playmó og Legó mjög skemmtileg leikföng og í miklu uppáhaldi hjá krökkum. Mínir strákar eiga bílfarma af þessu skemmtilega dóti.

Þegar ég var með barnastarf og Krakkaklúbbinn Örkina hans Nóa notuðum við Playmó og Legó til að auðga fræðsluna um Jesú og daglegt líf. Við notuðum líka teiknimynda fígúrur, Denna dæmalausa í leik sem heitir það er Ókeypis að brosa. Krakkarnir komu sjálf með hugmyndir að sögum og leikþáttum einskonar míní leikbrúðuhús. Og við notuðum Playmó sem leikmuni. Sem betur fer vorum við á litla Íslandi en ekki í Þýskalandi þar sem auga stóra bróðir skannar hugmyndaríka presta og setur þeim stólinn fyrir dyrnar. Í dag heitir það á fagmáli " við meigum ekki móðga önnur trúarbrögð "

Skiljanlega hafa leikfangarisarnir áhyggjur af minkandi sölu og hugsanlegu gjaldþroti ef önnur trúarbrögð (sem eru að yfirtaka Evrópu) móðgast líkt og gerðist í Danmörku varðandi teikningarnar af múhameð.

Fulltrúi Playmobil hefur sagt: “Við erum ekki að fetta fingur út í það að nota fígúrurnar eins og þær eru seldar í upprunalegu útliti. Það sem við erum að gera athugasemdir við er að endurhanna þær og breyta útilit þeirra.” Fulltrúinn neitaði að tjá sig um ásakanir þess eðlis að fyrirtækið væri að þrýsta á lokun verkefnisins til þess að verjast hugsanlegum gagnrýnisröddum annarra trúarbragða.
Greinin öll  Rödd í óbyggð

Hugsið ykkur bara ef bjöllunni yrði hringt hér einn daginn og laganna verðir afhnetu mér bréf frá playmobil, legó og Denna dæmalausa...

Það er vandlifað í þessum heimi.

Göngum á Guðs vegum.
www.aglowgb.net

Aglowkvöld í Garðabæ kl.20.00 - í Skátaheimilinu

Aglow kvöld 2. apríl í Garðabæ kl.20.00

Ótrúlegt en satt, komin apríl og vor í lofti. Aglowkonur í Garðabæ verða með páskafund í kvöld 2. apríl  Yfirskrift fundarins er " Guð hefur áætlun með líf þitt " Lofgjörð og tilbeiðsla, kaffihlaðborð og vinaleg stemming við kertaljós.                              
 
Þórdís Sigurðardóttir rekstrarstjóri Vegarins verður gestur okkar  2. apríl. Þegar ég kynntist Þórdísi bjó hún á Skagaströnd. Þrátt fyrir ungan aldur er  líf hennar og reynsla  efni í heila bók.  Þórdís er ein af stofnendum Foreldrahúss og starfaði þar sem ráðgjafi til margra ára.

Sem foreldri barns er lenti í klóm fíkniefna þekkir Þórdís að eigin raun þá djúpu sorg og togstreytu sem foreldri  og fjölskylda gengur í gegnum. EN þökk sé Guði , Þórdís þekkti mátt bænarinnar - Hún mun deila með okkur lífi sínu og trúarreynslu á lifandi Guð sem umbreytir lífi og svarar bænum.

Allar konur hjartanlega velkomnar í skátaheimilið við Bæjarbraut í Garðabæ
kl. 20.oo 

Guð blessi þig.
Kíktu á síðuna okkar
www.aglowgb.net

 

Biðjum fyrir
 
Að þjóðin Ísland snúi sér til Drottins, mitt í erfiðleikum sínum.
Að þú heyrir grát okkar og miskunnir okkur er við köllum í
neyð okkar eftir hjálp.
Jesaja. 30;19-
 

Michael W. Smith er einn virtasti tónlistarmaðurinn í kristna geiranum.

Michael W. Smith er bæði vinsæll og virtur sem tónlistarmaður í gospel-geiranum. Hann er allt í senn söngvari, lagasmiður og spilar dável á píanó. Lofgjörðardiskarnir hans seljast í þúsundavís. Tónlistin hans er sungin í kirkjum og á Aglow fundum. Nýr diskur frá kappanum kom út fyrir stuttu síðan "A New Hallelujah" Titillagið heitir Majesty, dásamlega fallegt lag og texti sem fjallar um kærleika Guðs til okkar.

Drottinn styður alla þá, er ætla að hníga, og reisir upp alla niðurbeygða.

Allra augu vona á þig, og þú gefur þeim fæðu þeirra á réttum tíma.

Þú lýkur upp hendi þinni og seður allt sem lifir með blessun.

Drottinn er réttlátur á öllum sínum vegum og miskunnsamur í öllum sínum verkum.

Drottinn er nálægur öllum sem ákalla hann, öllum sem ákalla hann í einlægni.

Hann uppfyllir ósk þeirra er óttast hann, og hróp þeirra heyrir hann og hjálpar þeim.

Sálmur 145; 14- 19

Guð blessi þig.
Helena

Fullkomlega læknuð af krabbameini - Guð heyrir bæn !

Aglow kvöld fimmtudaginn 12. febrúar kl. 20. 00 í Garðabæ

Skemmtilegur félagsskapur
Mér finnst voða notalegt að mæta á Aglow fundina í Garðabænum, það er svo gott að geta lagt fram bænaefni, og mér finnst þetta vera svo góður félagsskapur við verðum allar svo góðar vinkonur, tek Aglow fram yfir saumaklúbb! en við sleppum náttúrulega ekki því að fá okkur eitthvað gott með kaffinu! ( Guðrún S)

Ræðukona á Aglow fundinum 12. febrúar  verður Sólveig Traustadóttir, bænaleiðtogi Aglow á Islandi.Sólveig hefur gengt ýsmum trúnaðarstörfum innan Aglow á Íslandi, hún hefur leitt námskeið í sálgæslu og innri lækningu. Megin þjónusta Sólveigar í dag er  bænaþjónusta.

Sólveig greindist með æxli í ristli í desember 2007 fór síðan í aðgerð og lyfjameðferð. Bænafólk um allt land bað fyrir Sólveigu. Í dag hafa læknar útskrifað hana og staðfest að hún er fullkomlega læknuð af krabbameini. Lof sé Guði einum fyrir kraftaverkið.  Við hlökkum til að hlusta á Sólveigu, vitnisburð hennar og fyrirbæn sem verður í lok fundarins.



Við hefjum kvöldið stundvíslega kl.20.00 á kaffi og léttu meðlæti, njótum þess að spjalla og hlusta á góða tónlist. Dagskráin er fjölbreytt og innihaldsrík að vanda. Svanhildur opnar fundinn, Halldóra biður með okkur fyrir bænaefnum, Ásta Lóa kemur á óvart  ( ómissandi gleðigjafi) Rakel og  Helena taka fram gítarinn og leiða okkur í söng.

Skátaheimilið við Bæjarbraut

Allar konur eru hjartanlega velkomnar

www.aglowgb.net