Allt snýst þetta um viðhorf.

 

Kona ein vaknaði að morgni,
leit í spegilinn,
og sá að hún var aðeins með þrjú hár á höfðinu.
'Jæja" hugsaði hún, ætli ég hafi ekki hárið greitt aftur í dag.'
Sem hún og gerði og átti fínan dag.


Næsta dag vaknaði hún,
leit í spegilinn  
og sá að hún var aðeins með tvö hár á höfðinu.
'H-M-M,' hugsaði hún,
'Ætli ég skipti ekki bara í miðju í dag.'
Sem hún og gerði og átti frábæran dag.

Næsta dag vaknaði hún,
leit í spegilinn og sá  
að það var aðeins eitt hár á höfðinu.
'Jæja,' sagði hún,  ætli ég verði ekki með
hárið í tagli í dag.'
Sem hún og gerði og átti skemmtilegan dag.

Næsta dag vaknar hún,
lítur í spegilinn og sér  
að það var ekki stingandi strá á höfðinu.
'YAY!' hrópaði hún.
'Ég þarf ekki að hafa áhyggjur af hárgreiðslu í dag!'

Allt snýst þetta um viðhorf.
Lífið snýst ekki um að bíða eftir að storminn lægi..

það snýst um að treysta Guði í öllum kringumstæðum
Guð bregst aldrei.

Njótum helgarinnar
Elskum hvort annað
Guðs blessun allar stundir.
Helena

Við höldum Aglow veislu í kvöld kl.20 í Garðabæ

Aglow í Garðabæ er 2ja ára, ekki hár aldur ef meðal aldur er 70 ár svo við erum rétt að byrja lífið.
Árin tvö hafa verið ævintýri líkust og hefur félögum fjölgað um 400 % sem er all gott enda brennandi
áhugi meðal kvenna að taka þátt í kristilegum samtökum sem vilja hafa áhrif á þjóðfélagið, fjölskyldu, ættingja og vini. Konur eru konum bestar, enginn skilur heim kvenna jafn vel og við sjálfar, tengslanet okkar vex og dafnar æ fl. konur taka þátt í bænahópum, leshópum, líknarstarfi, stjórnunarstörfum, sinna leiðtogahlutverki og láta að sér kveða. Konurnar sem sigur boða er mikill her skrifar Davíð í sálmi 68.

     

Afmælishátíð í kvöld kl.20 dagskráin verður bæði skemmtileg og uppbyggileg við munum að sjálfsögðu syngja og lofa Guð, biðja fyrir innsendum bænaefnum, horfa á myndasýngu sem er ótrúlega skemmtileg, Edda Swan Stjórnarformaður Aglow á Íslandi mun flytja Orð kvöldsins.
Kaffi/te og sætuefni á borðum, kertaljós og hugguleg stemming. Kvöldið í kvöld er sannkallað Dömukvöld  umvafið kærleika Drottins.

Mig langar að bjóða þér í afmælisparty í Garðabæinn kl.20.00 - 22.00

Staður og stund
Skátaheimilið v/ Bæjarbraut í Garðabæ
( stutt frá Garðatorgi)

 

Allar konur,stelpur,húsfreyjur,mæður og dugmiklarkonur velkomnar.

Kær kveðja.
Helena

Einlægur Páll Óskar í messu í dag!

Páll Óskar trekkir hugsaði ég og horfði yfir kirkjubekkina sem voru þéttsetnir. Ungtfólk, barnafólk, eldri borgarar, konur og karlar á miðjum aldri, já,  hér var komin öll flóran. Séra Hjörtur leiddi messuna og Anna leiddi fjöldasöng á lifandi og skemmtilegan máta, hún labbaði um kirkjuna og hvatti fólk til söngs.

Mér þykir ákaflega vænt um Pál Óskar því hann er einn af bænadrengjunum mínum í bænabókinni
minni. Svo ég ákvað að fara í Fríkirkjuna og hlusta á poppstjörnuna,dj-snúðinn og tónlistar
manninn Pál Óskar.
Páll Óskar var einlægur og bláttáfram þegar hann talaði úr prédikunarstólnum, talaði opinskátt
um líf sitt og reynslu sagði frá kynnum sínum af æðri mætti sem hann segir að heiti Guð.
Um tíma var hann eins og við öll, með Guð í rassvasanum, talaði við hann þegar eitthvað bjátaði á.
Guð skyldi greinilega strákinn þvi ofast fékk hann hjálpina = bænasvar.

Páll Óskar skyldi að það er eitthvað stærra og meira á bak við leyndardóm lífsins. Svarið fékkst
í gegnum erfiða reynslu og áfall í formi skuldasúpu og kreppu. Á þeim tíma var Guð ekki hafður í
rassvasanum heldur tekin upp og játað ; Ég þarf hjálp... Páll fór á hnén og hjálpin kom í formi
nýrra hugmynda og lausna smám saman tókst að greiða upp allar skuldir, með Guðs hjálp.

(Hér mættu ísl. ráðamenn og þjóðin öll fara að dæmi Páls Óskars, þegar við játum ósigur okkar og
leitum eftir hjálp Drottins mun hjálpin koma í formi nýrra hugmynda og lausna.)

Nýr og betri Páll Óskar ( laus við stolt og hroka) fer að pæla nánar í tilgangi lífsins og Guði
þegar litið er út um gluggann er það sköpunarverkið í formi Trés sem vitnar um máttarverk Guðs
og sköpunarkraft sem sannfærir strákinn um " Stóran Guð"

Páll Óskar setti fram skemmtilega kenningu sem hljómar einhvernvegin svona;
Það sem þú getur ekki = Guð
Það sem ekki er hægt að útskýra = Guð

Á einum stað var ég ekki sammála Páli mínum, hann er ekki hrifin af Gamla Testamenntinu og þeim
grimma Guði sem sögurnar fjalla um. Hann þekkir ekki þann Guð, hans Guð er kærleikur. Ég er aftur
á móti er heilluð af GT. sem innihalda Mósebækurnar ( Boðorðin 10 )spámennina, sálmana og orðskviði Salómons o.s.f.v Guð er kærleiksríkur Guð þessvegna hefur hann sett upp reglur og leiðbeiningar okkur til gæfu við mennirnir komum okkur sjálf í net syndarinnar, eina lausnin er að leita eftir hjálp Guðs og játa sekt okkar og mistök þá mun Föðurkærleikur Guðs fyrirgefa,umvefja og allt verður nýtt við verðum frjáls.

td. ef ísl. útrásin hefði fengið aðhald og búið við reglur og leiðbeiningar  værum við betur sett-
á sama hátt þurfum við reglur og leiðbeingar Guðs, já Guð er kærleikur, ást hans og umhyggja
birtist í stærstu gjöf allra tíma, Því að svo elskaði Guð að hann gaf

Því svo elskaði Guð heiminn
að hann gaf son sinn eingetinn
til þess að hver sem á hann trúir
glatist ekki heldur hafi eilíft líf.
Jóh. 3,16-

Ég tek undir með Páli Óskari að " Guð er langflottastur "

Blessunar óskir.
Helena

Góðar fréttir !

OLíufélögin lækka bensin um tæplega 8 kr. Bravó !

Auðgum andann ókeypis um helgina frítt inná tónleika
Frítt á sinfóníutónleika í kvöld og á laugardag í Háskólabíó.

Frítt á tónleika með Söru Kelly í KROSSINUM 17-19 okt.
Sara Kelly hefur tvisvar verið tilnefnd til Grammyverðlauna

Frítt inná UNGSAM í húsnæði Samhjálpar á sunnudagskvöldið,
flott að enda helgina þar, góður fílingur!

Góð tilboð í Fjarðarkaupum,einfaldlega besta kaupfélagsbúðin

Belgia og Luxumburg vilja hjálpa Íslandi, kannski bænasvar hér!

Ættingjar og vinir ætla að safnast saman í kvöld og laugard. borða
saman og halda kaffibjóð ! Frábært ódýrt og gott, auðgar vináttuna!


Yndisleg kveðja frá Jesú til okkar í Matt.6: 25 -
Því segi ég yður: Verið ekki áhyggjufull um líf yðar, hvað þér eigið að eta eða drekka né heldur um líkama yðar, hverju þér eigið að klæðast. Er lífið ekki meira en fæðan og líkaminn meira en klæðin?

Lítið til fugla himinsins. Hvorki sá þeir né uppskera né safna í hlöður og faðir yðar himneskur fæðir þá. Eruð þér ekki miklu fremri þeim?

Og hver yðar getur með áhyggjum aukið einni spönn við aldur sinn? Eða: við hæð sína.
 
Og hví eruð þér áhyggjufull um klæðnað? Hyggið að liljum vallarins, hversu þær vaxa. Hvorki vinna þær né spinna.
En ég segi yður: Jafnvel Salómon í allri sinni dýrð var ekki svo búinn sem ein þeirra. 30Fyrst Guð skrýðir svo gras vallarins sem í dag stendur en á morgun verður í ofn kastað, skyldi hann þá ekki miklu fremur klæða yður, þér trúlítil!

Segið því ekki áhyggjufull: Hvað eigum vér að eta? Hvað eigum vér að drekka? Hverju eigum vér að klæðast?

Allt þetta stunda heiðingjarnir og yðar himneski faðir veit að þér þarfnist alls þessa.

En leitið fyrst ríkis hans og réttlætis, þá mun allt þetta veitast yður að auki.

Hafið því ekki áhyggjur af morgundeginum. Morgundagurinn mun hafa sínar áhyggjur.
Hverjum degi nægir sín þjáning.

Guð blessi ykkur elskurnar allar stundir.

Helena

All the Way to Heaven

Lagið hennar Solveigar „ Heaven“ hljómar í kollinum á mér enda einstaklega róleg og þægileg laglina sem auðvelt er að læra.  Læt textann fylga með fyrir þá sem vilja taka fram gítarinn og raula með.

 

 

 

 

 

All the Way to Heaven
Lyrics: Solveig & Ken Henderson
Music: Solveig L. Henderson

All the way to Heaven
Goes this song.
All into the throne room
I imagine all the angels sing along.
Singing praises to the Father
To Whom all praise belongs.
All the way to Heaven goes this song.

All the way to Heaven.
Goes my praise
All into the throne room
I imagine seeing Jesus face to face.
Singing praises to my Master
Who’s saved me by His grace.
All the way to Heaven goes my praise.

Holy is the Father
Worthy is the Lamb
Glory to the Holy Spirit
The Three in One
The Great I Am.

All the way to Heaven
Goes my praise.
All into the throne room
I imagine all the saints from every age.
Singing praises to the Spirit
Who’s set our hearts ablaze
All the way to Heaven goes my praise.

Bros og knús í hvert hús !

Skólasystir mín sendi mér skemmtilegan póst í dag sem ég ætla að deila með ykkur. Yfirskriftin er bros og knús í hvert hús. Um leið og ég skrifa þessar línur bið ég Drottinn Guð að umvefja okkur öll með stóru knúsi í dag, gefa lausn inní gjaldeyrismál og viðskiptaumhverfi þjóðarinnar. Bros og knús kostar ekkert en gefur óendanlega mikið af sér.

Björg og Emma
Aglow knús

Fjölskylduhópknús á hverjum morgni
Einstaklings og hópknús á vinnustöðum
Knúsaðu börnin kvölds og morgna...ekki bara þessa viku
Knús fyrir svefninn og allir sofa betur
Knús í alla skóla stóra sem smáa:
Nemendaknús - bekkjarknús - kennaraknús - knús í nesti -
knús sem heimaverkefni - húsvarðaknús - bókasafnsknús - viðurkenningaknús.
Knúsaðu maka þinn....oft....oft...og aftur.

Eldra fólk þarfnast oft meiri snertingar en aðrir og það er líka viðkvæmara fyrir stöðu mála og hefur áhyggjur af framtíð barnanna sinna. Í dag skaltu fara og heimsækja ömmu, afa, frænda , frænku eða einhvern eldri borgara sem þú þekkir og gefa honum knús. Eldri fólk á nóg af súkkulaði, það þarf bara hlýtt og gott faðmlag og eitthvað af tímanum ykkar.

Sendu knús til þeirra sem eru lengra í burtu......
SMS knús.....
Email knús......
Bloggknús.......
Hringdu og gefðu knús.....

Ef þú gefur af þér, þá færðu það til baka - gefðu knús

Lestu um knúsið hér
www.julli.is

Aglow konur í Garðabæ senda ykkur blessunar kveðjur
og stórt knús, Guð elskar þig heitt og innilega.

Helena

 

 

Fyllum eldhúsin af góðum brauðilm !

Aglow dúllurnar eru duglegar að föndra við bakstur og töfra fram gæða brauð sem gleðja bændur og hjú.  Strákarnir mínir fá stjörnur í augun þegar móðir þeirra setur á sig svuntuna og bakar með kaffinu.  Framundan er besti timinn til að gleðja fólkiið sitt og hafa kaffibjóð og knúsa hvort annað.

Hérna fylgir Halldóru brauð og Sivjar brauð;

DÖÐLUBRAUÐ.
2. egg
2. bollar púðursykur
Þetta er stífþeytt.
1  tsk sódaduft
2  tsk.  ger
2  tsk .vanilla
1  tsk. salt
4 1/2 bolli hveiti, ég hef 3 bolla
1 bolli smátt skornar döðlur
1/2 bolli sjóðandi vatn

Vatninu er helt yfir döðlurnar
og látið standa smá stund
2 matsk brætt smjörlíki bætt í vatnið, ég setti 2 matskeiðar  matarolíu
Öllu hrært saman  og bakað á 200°gr. hita þar til  brauðið er tilbúið.

( Best er að tala í símann á meðan brauðið bakast!)

Bananabrauð

3 þroskaðir bananar
1 bolli sykur
2 bollar hveiti
2 egg
1tsk natron
1 tsk lyftiduft.
Bananar stappaðir og öllu saman, sett i form og bakað við blástur 150 gráður í 1 klst.

 

Njótið vel

ps. Ekki gleyma borðbæninni því hún gleður og er ómissandi með veislunni.

 

Góður Guð blessi ykkur öll og umvefji.

Helena

We can send you? Medicines, money???

Í dag fékk ég e-mail frá útlöndum Aglow vinkonur mínar í Alaska ,UK og USA sendu kveðju afskaplega fannst mér notalegt að fá hlýja bænakveðju frá fólki sem hefur aldrei heimsótt landið mitt en biður fyrir okkur á hverjum degi.  Stelpurnar í USA fylgjast vel með og hafa verulega miklar áhyggjur af ástandinu ég varð hálf vandræðaleg þegar þær spurðu ; Do you need money and medicine ?  Það er gott að eiga vini í útlöndum!

Já, við þurfum lyf til að lækna spillinga-pestina og peninga til að rétta af heimilin.

En þessi grein í inná ft.com er nokkuð góð!
A cruel wind / Fýkur yfir hæðirFor most of the last century, Iceland was little more than a rest stop for North Atlantic fishing fleets trawling the waters between Greenland and the Faroe Islands.Reykjavik, where much of the island's population of 320,000 is based, still feels like a provincial port. Taxi drivers wave to the president and there is a sense that most people are linked by blood, business or politics. But for all its sleepy air, the Icelandic capital has been transformed over the past decade. A headlong expansion into foreign markets brought the country influence out of proportion to its size and made its population one of the richest, per capita, in the world......... In the words of one UK investor: "The Icelandics had better get their fishing rods out. They've got a lot of cod to catch to make up for what we've lost".

GUÐ BLESSI ÍSLAND

Ég tek undir með forsætisráðherra að þjóðin þarfnast blessunar frá himninum „ Guð blessi Island „

Á þessari stundu vil ég lyfta hjarta mínu upp og leita inn í bænina, tala við Guð, ég hvet þig til að taka undir með mér,leitum Guðs saman í bæn.  Guð heyrir, hann hlustar !

Ég bið Drottinn Guð að fyrirgefa  mér og þjóðinni minni, breytni okkar og andvaraleysi.

Ég bið þess að Drottinn Guð gefi forsætisráðherra, ríkisstjórn,  alþingi  og stjórnsýslu landsins Guðlega visku og vísdóm fyrir þann tíma sem framundan er. Ég bið þess að  ráðamenn sameinist um að finna lausn  þjóðinni til heilla.

Ég bið þess að þjóðin öll leiti inn í bænina,snúi sér til Guðs og hrópi eftir hjálp.
Ég bið þess að þjóðin öll þjappi sér saman í einingu, sameinuð munum við rísa upp með hjálp Guðs sem færir okkur styrk og kraft og endurnýjun fyrir  atvinnulifið,heimilin og fjölskyldurnar.

Ég bið fyrir atvinnulífinu og fyrirtækjum landsins, ráðamönnum og stjórnendum þeirra um Guðlega visku og vísdóm, ég bið þess að Guð gefi sérstaka náð inn í atvinnulífið.

Ég bið fyrir fjölskyldum, foreldrum, hjónum, einstaklingum, öryrkjum og eldri borgurum,börnum og unglingum. Ég bið Guð að umvefja og styrkja eininguna, ástina, vináttuna, hjálpa okkur öllum að horfa fram á veginn, kveikja nýja von og bjartsýni í huga okkar. Ég bið Guð að blessa fjármál okkar, margfalda innihaldið í frystikistunni og brauðkassanum,margfalda þær krónur sem eru í vasanum.

Ég bið Drottinn Guð að græða upp land okkar

þjóð mín, sem nafn mitt hefur verið hrópað yfir auðmýkir sig, biður, leitar auglits míns og lætur af illri breytni sinni, mun ég heyra á himninum, fyrirgefa synd hennar og græða upp land hennar. Héðan í frá munu augu mín vera opin og eyru mín munu hlusta á bænir á þessum stað

2. kronikubók 7; 14-15

^{Sálmur 91} 

¹Sá er situr í skjóli Hins hæsta
og dvelst í skugga Hins almáttka
²segir við Drottin:
„Hæli mitt og háborg,
Guð minn, er ég trúi á.“
³Hann frelsar þig úr snöru fuglarans,
frá drepsótt eyðingarinnar,
⁴hann skýlir þér með fjöðrum sínum,
undir vængjum hans mátt þú hælis leita,
trúfesti hans er skjöldur og vígi.
⁵Eigi þarft þú að óttast ógnir næturinnar
eða örina sem flýgur um daga,
⁶drepsóttina sem læðist um í dimmunni
eða sýkina sem geisar um hádegið.
⁷Þótt þúsund falli þér við hlið
og tíu þúsund þér til hægri handar
þá nær það ekki til þín.
⁸Þú munt sjá með eigin augum,
horfa á hvernig óguðlegum er endurgoldið.
⁹Þitt hæli er Drottinn,
þú hefur gert Hinn hæsta að athvarfi þínu.
¹⁰Engin ógæfa hendir þig
og engin plága nálgast tjald þitt
¹¹því að þín vegna býður hann út englum sínum
til þess að gæta þín á öllum vegum þínum.
¹²Þeir munu bera þig á höndum sér
svo að þú steytir ekki fót þinn við steini.
¹³Þú munt stíga yfir ljón og nöðru,
troða fótum ungljón og dreka.
¹⁴Þar sem hann er mér trúr bjarga ég honum,
ég vernda hann því að hann þekkir nafn mitt.
¹⁵Ákalli hann mig mun ég bænheyra hann,
ég er hjá honum í neyðinni,
ég frelsa hann og geri hann vegsamlegan.
¹⁶Ég metta hann með fjöld lífdaga
og læt hann sjá hjálpræði mitt.

Guð blessi þig og umvefji.

Helena Leifsdóttir,formaður Aglow í Garðabæ
Aglow er; Alþjóðlegt Kærleiksnet kvenna
Aglow er ; Alþjóðlegt bænanet kvenna

Neyðarkall - Geturðu bjargað barni?

Heil og sæl gott fólk.
Inná heimasíðu ABC barnahjálpar er að finna  þessa áskorun til okkar,þjóð sem er stærsta þjóð í heimi í hugsun og vilja til að ná árangri sbr. silfur á Olympiuleikum.
Við eigum GULL að gefa,göngum í lið með ABC barnahjálp sem er alíslenskt hjálparstarf og hjálpum !
                                        --------------------------------------------------------

Fall krónunnar hefur ekki farið fram hjá neinum og hefur ABC barnahjálp hefur ekki farið varhluta af því ástandi.
Um 12 þúsund börn eru í skólum og barnaheimilum ABC barnahjálpar í hinum ýmsu löndum og kostar yfir 27 milljónir á mánuði að sjá fyrir þessum stóra barnaskara miðað við gengi krónunnar í dag. Íslenska krónan hefur fallið yfir 40% frá áramótum sem er þriðja mesta fall allra gjaldmiðla í heiminum á þessum tíma. Þegar svo við bætist hækkun matarverðs í heiminum sem er verulegt vandamál í þeim löndum sem ABC starfar er ljóst að endar ná hvergi nærri saman.

Allir sjóðir ABC eru nú uppurnir og þó hefur ekki verið hægt að senda nauðsynlegt fjármagn til barnanna. Matarreikningar hafa hlaðist upp og þolinmæði birgja er á þrotum.

Í svona árferði væri eðlilegast að skera niður og senda á brott þau börn sem enn vantar stuðningsaðila, en það er ekki valkostur í hugum okkar. Við viljum berjast fyrir börnunum okkar sem mörg hver hafa komið úr ömurlegum aðstæðum og hafa leitað á náðir starfsins í neyð sinni.

Hefðir þú tök á að hjálpa einu barni svo að hægt sé að tryggja því örugga dvöl á heimili og/eða skóla ABC barnahjálpar. Það kostar ekki nema 2500 kr./mán. að sjá barni fyrir skólagöngu með skólamáltíðum, bókum og öðru tilheyrandi skólanum. Ef barnið dvelur á barnaheimili ABC eða heimavist með fullri framfærslu er þessi kostnaður 3900 kr./mán.

 

Vinsamlegast smelltu hér ef þú vilt taka að þér að styðja barn.

Reikningur ABC til að mæta brýnustu þörfum barnanna er nr. 1155-15-41411
Kennitalan er: 690688-1589.

Heimasíða ABC barnahjálpar 

Blessunaróskir til ykkar allra kæru vinir.

Helena