Fyllum eldhúsin af góðum brauðilm !

Aglow dúllurnar eru duglegar að föndra við bakstur og töfra fram gæða brauð sem gleðja bændur og hjú.  Strákarnir mínir fá stjörnur í augun þegar móðir þeirra setur á sig svuntuna og bakar með kaffinu.  Framundan er besti timinn til að gleðja fólkiið sitt og hafa kaffibjóð og knúsa hvort annað.

Hérna fylgir Halldóru brauð og Sivjar brauð;

DÖÐLUBRAUÐ.
2. egg
2. bollar púðursykur
Þetta er stífþeytt.
1  tsk sódaduft
2  tsk.  ger
2  tsk .vanilla
1  tsk. salt
4 1/2 bolli hveiti, ég hef 3 bolla
1 bolli smátt skornar döðlur
1/2 bolli sjóðandi vatn

Vatninu er helt yfir döðlurnar
og látið standa smá stund
2 matsk brætt smjörlíki bætt í vatnið, ég setti 2 matskeiðar  matarolíu
Öllu hrært saman  og bakað á 200°gr. hita þar til  brauðið er tilbúið.

( Best er að tala í símann á meðan brauðið bakast!)

Bananabrauð

3 þroskaðir bananar
1 bolli sykur
2 bollar hveiti
2 egg
1tsk natron
1 tsk lyftiduft.
Bananar stappaðir og öllu saman, sett i form og bakað við blástur 150 gráður í 1 klst.

 

Njótið vel

ps. Ekki gleyma borðbæninni því hún gleður og er ómissandi með veislunni.

 

Góður Guð blessi ykkur öll og umvefji.

Helena

Athugasemdir

[Halldóra Lára Ásgeirsdóttir, 14.10.2008 kl. 20:13]

Sæl dugmikla baksturs kona!

Ég hef alltaf  einn banana í mínni uppskrift,

bendi þér á það í sparnaðar skini

      Kveðja  Halldóra.

[Helena Leifsdóttir, 14.10.2008 kl. 21:08]

Sæl og bless Halldóra mín.
Takk fyrir innlitið þú mátt gjarnan smella inn þínu Bananabrauði, Siv sendi mér þessa í dag og sagði mér að þessi uppskrift hefði verið í 24 stundum.  Gott brauð er gulli betra þegar venjulegt brauð kostar hátt í 500 kall.

Guð blessi þig.
Helena

[Halldóra Lára Ásgeirsdóttir, 15.10.2008 kl. 21:19]

Sæl mín kæra Helena!

Skal taka það til athugunar á næstunni

Sendi þér stórt knús á knús daginn

Vertu Guði falin

              Halldóra.