Dóp á glámbekk

Núna hef ég ákveðið að leggja bílnum og ganga eða nota hjólið mitt sem liggur undir skemmdum á bak við hús. Ég man þegar ég valdi þennan glæsifák, silfur gráan með dempara í sæti og hjólaði um allan bæ. Ég er að velta því fyrir mér að nota matarolíu á keðjuna og  fáeina dropa á öll liðamót á hjólinu áður en ég legg íhann.  Ég vildi frekar fá hjól en hund, meira notagildi þó að hundurinn sé sennilega skemmtilegri.  En hvað með það.

Í dag kom ég litlum hundi til bjargar sem lá fárveikur heima og gat sig hvergi hreyft.  Við mæðgurnar fórum í langa – langa  gönguferð alla leið í Fjarðakaup. Við löbbuðum stíginn meðfram hrauninu.  Á svörtu malbikinu liggur plastpoki með grunsamlegu innihaldi við nánari athugun kom í ljós miði frá Dýraspítalanum tvær töflur 3x á dag. Ekki gat ég hugsað mér að litla skinnið eða áhyggjufullur eigandi í öngum sínum að leita af töflunum. Svo ég arkaði  uppá Dýraspítala og afhenti  góssið.

Ef ég hefði verið á gullvagningum hefði ég farið á mis við þessa skemmtilegu uppákomu.
Góður göngutúr er gleðigjafi.

There is none like you - Women of Faith

There is none like You
No one else can touch my heart like You do
I could search for all eternity long
And find there is none like You

Your mercy flows like a river wide
And healing comes from Your hands
Suffering children are safe in Your arms
There is none like You

Höf. / There is none like You / Lenny  Le Blanc

 

Margfaldur meistari !

Þessa skemmtilegu mynd tók sonur minn af föður sínum við garðvinnu sl. sumar.
Þá varð mér að orði  Já, hann er margfaldur meistari!

Við hjónin héldum uppá  25 ára hjúskapar afmæli
sem heitir á fínu máli Silfurbrúðkaup 25.  febr. sl.

Dagurinn var stórskemmtilegur, við fórum út að borða
með fjölskylduna og buðum ömmunum með,
Perlan varð fyrir valinu og var óneytanlega notaleg tilfinning
að sitja undir stjörnuljósum
og hlusta á undra hverinn gjósa á 10 mínútna fresti.

Við völdum " Allt í steik" matseðilinn og fóru allir vel mettir heim,
Rútur 12 ára pantaði pizzu sem dugði honum í tvo daga.

En aftur að meistaranum sjálfum við vitum að á bak við meistaratign er góður þjálfari
og lesi nú hver sem vill í eyðurnar!
Hver er þjálfarinn !

Guð blessi ykkur öll elskurnar.
Helena

 

 

Fullkomlega læknuð af krabbameini - Guð heyrir bæn !

Aglow kvöld fimmtudaginn 12. febrúar kl. 20. 00 í Garðabæ

Skemmtilegur félagsskapur
Mér finnst voða notalegt að mæta á Aglow fundina í Garðabænum, það er svo gott að geta lagt fram bænaefni, og mér finnst þetta vera svo góður félagsskapur við verðum allar svo góðar vinkonur, tek Aglow fram yfir saumaklúbb! en við sleppum náttúrulega ekki því að fá okkur eitthvað gott með kaffinu! ( Guðrún S)

Ræðukona á Aglow fundinum 12. febrúar  verður Sólveig Traustadóttir, bænaleiðtogi Aglow á Islandi.Sólveig hefur gengt ýsmum trúnaðarstörfum innan Aglow á Íslandi, hún hefur leitt námskeið í sálgæslu og innri lækningu. Megin þjónusta Sólveigar í dag er  bænaþjónusta.

Sólveig greindist með æxli í ristli í desember 2007 fór síðan í aðgerð og lyfjameðferð. Bænafólk um allt land bað fyrir Sólveigu. Í dag hafa læknar útskrifað hana og staðfest að hún er fullkomlega læknuð af krabbameini. Lof sé Guði einum fyrir kraftaverkið.  Við hlökkum til að hlusta á Sólveigu, vitnisburð hennar og fyrirbæn sem verður í lok fundarins.



Við hefjum kvöldið stundvíslega kl.20.00 á kaffi og léttu meðlæti, njótum þess að spjalla og hlusta á góða tónlist. Dagskráin er fjölbreytt og innihaldsrík að vanda. Svanhildur opnar fundinn, Halldóra biður með okkur fyrir bænaefnum, Ásta Lóa kemur á óvart  ( ómissandi gleðigjafi) Rakel og  Helena taka fram gítarinn og leiða okkur í söng.

Skátaheimilið við Bæjarbraut

Allar konur eru hjartanlega velkomnar

www.aglowgb.net

 

Góða nótt - Kvöldbænir

Það er gott að kunna bænir, Í barnakirkjunni eða sunnudagaskólanum, læra börnin bænir eins og Faðir vor og Vertu Guð faðir, faðir minn. En þau læra líka að tala við Guð frá eigin brjósti í huganum. Margir foreldrar eiga bókina Kvöldbænirnar mínar, bók sem inniheldur allar fallegustu kvöldbænirnar. Það er gott að eiga innra bænalíf. Það getur gefið fólki styrk á lífsins leið.

Vinsælasta kvöldbænin er „Faðir vor“  þrátt fyrir að vera svolítið strembin fyrir þau yngstu, vilja þau læra Faðir vorið. Margir foreldrar hafa átt erfitt með að springa ekki úr hlátri þegar litla ungviðið hefur skreytt og bætt þessa innihaldsríku bæn af hjartans einlægni.

Eflaust eigið þið öll skemmtilegar minningar og stundir við lestur kvöldbæna, og sum ykkar eigið alveg örugglega ykkar eigin frumsömdu bæn sem er kölluð uppáhaldsbænin og beðin á hverju kvöldi. Hér kemur ein slík sem heitir „Kæri Jesú minn“  Bænin „Kæri Jesú minn“ hefur verið uppáhalds bænin í bræðrafélaginu hér Garðabænum, bæn sem varð til eitt kvöldið eftir áhyggjufullan dag  hjá litlum dreng.

Bænin Kæri Jesú minn hljómar svo

Kæri Jesú minn
Ég þakka þér fyrir daginn í dag
viltu gefa mér góða nótt og fallega drauma
Viltu varðveita ( passa) mömmu, pabba og bræður mína
Viltu varðveita heimilið okkar og okkur öll frá slysum og hættum
Viltu varðveita alla í stóru fjölskyldunni okkar
Viltu hjálpa mér í skólanum á morgun og blessa bekkinn minn
Takk, kæri Jesú minn að þú ert alltaf hjá mér, þú ert vinur minn

Í Jesú nafni Amen

Kvöldbænir ...lesa hér

Barnakirkjan...lesa hér

Guð blessi ykkur öll, njótið helgarinnar.
Helena

 

Above all - Lenny LeBlanc

 

 

Hrúturinn Hreinn - Algjör snilld!

Hitamælirinn við eldhúsgluggann sýnir 8° Arnarnesvogurinn er spegilsléttur, mér sýnist blátoppurinn byrjaður að bruma og vorlaukar gæjast uppúr blautri moldinni undir stofuglugganum. Samt sýnir dagatalið 25. janúar 2009 -veturkonungur hefur ekki sýnt vald sitt hér á höfuðborgarsvæðinu nema í formi mótmæla og stjórnarkreppu. 

Auðvitað er fullsnemmt að huga að vorverkum því febrúar er handan við hornið og hugsanlegt páskahret. Samt sem áður vona ég að vorblíðan nái inní íslensk stjórnmál  þegar nær dregur.

Höfuðborgarsvæðið er gjörsamlega að fara á taugum sagði góð vinkona mín á Snæfellsnesi, viltu ekki bara koma vestur í rólegheitin, hér gengur lífið sinn vanagang enda höfum við lítið vitað af góðærinu sem þið eruð að væla yfir. Kannski hefur hún rétt fyrir sér að góðærið náði aldrei út fyrir bæjarmörkin.
Burt séð frá þvi finnst mér Hrúturinn Hreinn eitt besta sjónvarpsefni sem rúv býður uppá -
Algjör snilld.

Fallegt veður - Slökkt á öllum miðlum - Göngutúr kringum Vífilstaðavatn heillar.

Njótið lífsins, reynum að slaka svolítið á,  þrátt fyrir allt heldur lífið áfram !

Guð blessi Ísland
Helena

Geir og Inga Jóna - Bænir okkar eru hjá þér og fjölskyldu ykkar !

Ég varð verulega sorgmædd að heyra yfirlýsingu forsætisráðherra rétt í þessu, krabbamein er grafalvarlegt mál og fara nú í hönd erfiðar vikur og mánuðir hjá þeim hjónum og fjölskyldu.
Það er einlæg bæn mín að Geir nái fullkomnum bata, Guð gefi að svo verði.

Geir Haarde  hefur verið sem klettur á þeim örlaga tímum sem þjóðin gengur í gegnum. Maður sem hægt er að bera virðingu fyrir og treysta á. 

Bænir okkar og hlýjar hugsanir munu fylgja ykkur Geir og Inga Jóna á næstu mánuðum.

Sálmur 121;

Ég hef augu mín til fjallanna,
hvaðan kemur mér hjálp?
Hjálp mín kemur frá Drottni,
skapara himins og jarðar.

Hann mun ekki láta fót þinn skriðna,
vörður þinn blundar ekki.
Nei, hann blundar ekki og sefur ekki,
hann, vörður Ísraels.

Drottinn er vörður þinn,
Drottinn skýlir þér,
hann er þér til hægri handar.

Um daga mun sólarhitinn ekki vinna þér mein
né heldur tunglið um nætur.

Drottinn mun vernda þig fyrir öllu illu,
hann mun vernda sál þína.

Drottinn mun varðveita útgöngu þína og inngöngu
héðan í frá og að eilífu.

Blessunaróskir
Helena Leifsdóttir,
formaður Aglow í Garðabæ

 

 

Aglow International er alþjóðleg hreyfing kristinna kvenna
Aglow International er alþjóðlegt bænanet kristinna kvenna

Geir: Kosið í maí

Ótrúleg samvinna Landlæknis og Obama...

Ótrúleg samvinna Landlæknis og Obama ef marka má fyrirsögn við þessa stórmerkilegu frétt.

Fóstureyðingum fer fækkandi
Guði sé lof og þökk fyrir góðar fréttir mitt á tímum upplausnar og svartnættis. Vonandi fáum við að sjá lægri tölur um næstu áramót. En er það ekki kappsmál okkar kvenna sem erum sérhannaðar fyrir meðgöngu og barnsfæðingar að fóstureyðingar verði aflagðar. TIL umhugsunar  fyrir nýja Ísland !

Samkvæmt tölum, sem landlæknisembættið hefur tekið saman um fjölda fóstureyðinga og ófrjósemisaðgerða, kemur fram að árið 2007 voru skráðar 877 fóstureyðingar hjá konum með lögheimili á Íslandi. Árið 2006 voru fóstureyðingar 904.
                                                                   .........................

Því að þú hefir myndað nýru mín,
ofið mig í móðurlífi.
Ég lofa þig fyrir það, að ég er undursamlega skapaður,
undursamleg eru verk þín,
það veit ég næsta vel.
Beinin í mér voru þér eigi hulin,
þegar ég var gjörður í leyni,
myndaður í djúpum jarðar.
Augu þín sáu mig, er ég enn var ómyndað efni,
ævidagar voru ákveðnir og allir skráðir í bók þína,
áður en nokkur þeirra var til orðinn.

sálmur 139; 13-16

Blessunaróskir
Helena

Fóstureyðingum fer fækkandi

Lumar þú á hugmynd?

Eins og þið hafið eflaust heyrt í fréttum  eigum við hjá ABC barnahjálp og fl. hjálparsamtök í miklum erfiðleikum með að sinna og halda úti hjálparstarfi í vanþróuðum löndum. Fjármálakreppan og gengishrunið hefur gert það að verkum að við getum ekki  gefið börnum að borða.
Við sem sitjum í stjórn ABC horfum fram á niðurskurð í starfinu, niðurskurð skrifa ég og spyr sjálfa mig er hægt að hætta við að gefa barni að borða?  Er hægt að senda barn heim í fátæktina og eymdina þar sem algjört vonleysi bíður þess. 

Í dag eru tæplega 13.000 börn  á okkar vegum sem eru ýmist í dagskóla eða búa á heimavist.

Dagskóli: börnin fá skólagöngu, læknishjálp og eina máltíð á dag.
Heimavistarskóli: börnin fá skólagöngu og fulla framfærslu á barnaheimili eða heimavistarskóla.
Dagskóli plús: auk dagskóla fá börnin að dvelja í skólaathvarfi ABC eftir skóla þar sem þau fá aðstoð við heimanám, síðdegis hressingu og ýmsa umönnun.

Í dag erum við að undirbúa söfnunina „Börn hjálpa börnum“  söfnun sem er unnin í samvinnu við skóla og heimili. Hetjurnar okkar,  börnin hafa tekið að sér að ganga í hús með bauka merktum ABC, svo sannarlega er framlag þeirra til hjálparstarfs ómetanlegt.
Söfnunin Börn hjálpa börnum hefst  2. -28 febrúar nk.

Við höfum einnig opnað reikning sem heitir Neyðarsjóður ABC barnahjálpar  sjá heimasíðu okkar  www.abc.is

Í dag leitum við nýrra leiða til fjáröflunar, nýjar hugmyndir...lumar þú á hugmynd sem gæti hugsanlega orðið barni til blessunar ?

Mikilvægast er  vinarþel og umhyggja þúsunda hér heima sem hafa stutt við starfið með fjárframlögum og sem stuðningsforeldrar.  

Ég færi ykkur öllum þakkir og blessunaróskir.
Helena L.