Íslendingar fá aðstoð í Óðinsvéum

Hátt í 20 íslenskar fjölskyldur sem búsettar eru Óðinsvéum á Fjóni hafa leitað eftir matvælaaðstoð Hjálpræðishersins í borginni að undanförnu. Að því er fram kemur í dagblaðinu Fyens Stiftstidende er efnahagskreppan á Íslandi ástæða fjárhagserfiðleika þeirra.

Talsmaður hersins sem blaðið ræðir við segir að hjálparbeiðnum hafi almennt fjölgað mikið síðastliðnar vikur. Í venjulegu árferði megi búast við að 300 fjölskyldur leiti ásjár hersins um jólaleytið en nú óski yfir 500 fjölskyldur eftir aðstoð. Fólkið fær að gjöf úttektarmiða í stórmörkuðum borgarinnar að upphæð 400-700 danskar krónur ( ísl.kr.9.000 -16.000 )en í sumum tilfellum er þörf á enn meiri aðstoð./ruv.is

Hjálpræðisherinn á Íslandi skipar stóran sess í huga okkar og ber ég sjálf mikla virðingu fyrir óeigingjörnu starfi þeirra. Nú fer sá tími í hönd sem hvað mest mæðir á sjálfboðaliðum og starfsfólki hersins,  gefum rausnarlega í Jólapotta Hjálpræðihersins, kaupum Herópið blað fullt af kærleika og von, hjálpum vinum okkar að hjálpa öðrum. Hjálpræðisherinn á Íslandi

Birna Dís bloggvinkona mín skrifar þessi orð 2. des

...Ég kaupi minna fyrir mig þessi jól. Bruðla ekkert og set frekar pening til þeirra sem þarfnast þess með. Barnafólk sem lýður skort.Hvernig væri að við tækjum flest að okkur eina fjölskyldu sem á erfitt og léttum þeim lífið. Enginn þarf að vita hver "engillinn"er.5000 krónur kæmu einstæðri móðir eða fjölskyldu þar sem er engin vinna er vel.
BD/

Styrkur okkar á Íslandi er fólgin í smæðinni sem fæðir af sér samhug og vináttu til hvers annars
látum ekki bölmóð fjölmiðla ræna okkur voninni, baráttu andanum og íslenska húmornum.
Höldum áfram að biðja fyrir hvort öðru, ráðamönnum og ríksistjórn. Kristin trú er eina trúin sem gefur VON. Hjálp okkar er fólgin í Nafni Drottins, Hann mun aldrei bregðast, er ekki komin tími til að allir sem eitt biðji bænina " Himneski faðir viltu hjálpa okkur, viltu endurreisa og gefa nýja von fyrir land og þjóð, fyrirgefðu okkur að við gleymdum þér í dansinum kringum gullkálfinn, við þörfnumst þín. Í Jesú nafni / amen

Guð blessi ykkur kæru vinir.
Helena

 

 

Engillinn minn heitir " mamma"

 Ég veit að þessi saga er ekki ný, því margar okkar hafa séð hana í e-maili en innihald
hennar á erindi til okkar í dag, hlýjar um hjartarætur og hvetur til dáða.Gott að vita að
mæður eru útvaldar af Guði fyrir litlu gullin, börnin okkar.

Gömul þjóðsaga segir frá barni sem var við það að fæðast.
Barnið snýr sér að Guði og segir:
Mér er sagt að ég verði sendur á jörðina á morgun,
en hvernig get ég lifað eins lítill og ósjálfbjarga sem ég er?
Ég hef valið engil fyrir þig úr hópi engla og hann bíður eftir þér.
Þessi engill mun sjá um þig.

En segðu mér, hérna á himninum geri ég ekkert annað en að syngja
og brosa og það er nóg til þess að vera hamingjusamur.
Engillinn þinn kemur til með að syngja fyrir þig, hann brosir til þín alla daga
og þú verður umlukinn ást hans og þannig verðurðu hamingjusamur.
En hvernig get ég skilið þegar fólkið talar við mig þar sem ég þekki ekki
tungumálið sem mennirnir tala ?

Engillinn þinn segir falleg orð við þig, fallegustu orð sem þú hefur nokkur
tíma heyrt og með mikilli þolinmæði og kærleik kennir hann þér að tala.
En hvað geri ég ef ég vil tala við þig ?
Þá setur engillinn þinn hendurnar þínar saman og kennir þér að biðja.
Ég hef heyrt að á jörðinni séu til vondir menn. Hver getur varið mig ?
Engillinn þinn mun verja þig, þó svo það kosti hann lífið.

En ég verð alltaf sorgmæddur því ég sé þig ekki oftar. Engillinn þinn á
eftir að segja þér frá mér og vísa þér veginn í áttina til mín, en þó mun
ég alltaf vera við hlið þér. Á þessu andartaki færðist ró yfir himininn og
guðdómlegar raddir heyrðust og barnið sagði:

Kæri Herra, þar sem ég er að fara segðu mér, hvað heitir engillinn minn ?
Nafn hans skiptir ekki máli, þú kallar hann bara "Mömmu"

Mæður Guð blessi ykkur.
Helena

Ísl. embættismenn og Litla gula hænan

Atburðarás síðustu vikur minnir á söguna um Litlu Gulu hænuna og vini hennar sem
vildu borða brauðið en ekki leggja neitt að mörkum.



"Ekki ég!" sagði kisa. "Ekki ég!" sagði Snati,

Orðaleikur og laumuspil embættismanna og stjórnenda er með ólíkindum, enginn ber ábyrgð allir eru blásaklausir.  Hvernig er hægt að koma fram í fjölmiðlum og horfa blákalt framan í þjóðina og segja "Ekki ég "  Er hallærislegt að játa mistök og fara á mis við fyrirgefninguna ?  Dapurlegt hugarfar ef rétt reynist.

Litla gula hænan rappútgáfa/

Litla gula hænan, litla gula hænan, 
hver ætlar nú að hjálpa þér, vænan?
Við spyrjum enn og aftur um hænuna þá, 
hvort hún fari ekki bráðum smá hjálp að fá?

Litla gula hænan sagði "Jibbí jæ!
Mikið var ég heppin - ég fann hveitifræ!
Hver ætlar nú að planta fræinu hér?
Réttið upp hönd, sem vilja hjálpa mér!"

"Ekki ég!" sagði kisa. "Ekki ég!" sagði Snati,
"Æ, ég nenni því ekki!" sagði grísinn lati.
"Ef þið eruð svona ofsalega löt og sein,
þá geri ég það bara alveg ein,"
- sagði litla gula hænan og fór - YO!

Litla gula hænan sagði "Jú hú hú!
Það er komið að því að slá hveitið nú!"
Hún fer og talar við alla sem hún sér:
"Réttið upp hönd, sem vilja hjálpa mér!"

Litla gula hænan sagði "Næsta skref,
það er að mala kornið sem ég hef,
svo að úr því verði mjöl, eins og sérhver sér.
Réttið upp hönd, sem vilja hjálpa mér!"

Litla gula hænan sagði "Hveiti í skál,
við skulum búa til brauð, það er lítið mál!
Hver vill koma hér og blanda vatn og ger?
Réttið upp hönd sem vilja hjálpa mér!"

Litla gula hænan sagði "Þetta er flott
Nú er brauðið til, og það er heitt og gott.
Svo nú segi ég við alla áður en ég fer:
Réttið upp hönd sem vilja borða með mér!"
 
"Það vil ég!" sagði kisa. "Það vil ég" sagði Snati.
"Ég vil líka!" sagði grísinn og stóð ekki á gati.
"Fyrst þið voruð alltaf svona löt og sein,
þá ætla ég bara að borða brauðið alein!"
- sagði litla gula hænan og fór - YO!

Texti: Baldur A. Kristinsson, okt. 2005. 
Byggt á "Little Red Hen" í Three Singing Pigs eftir Kaye Umansky.
www.bornogtonlist.net ) 
 
 

 

 

Lykill að blessunum

Linda og Rósa bloggvinurnar hvetja til blessunarbloggs, yndisleg hugmynd. Blessun er velþóknun og snerting frá Guði yfir líf og starf. Blessun er náð og kærleikur Guðs fyrir líf okkar.  Biblían " Heilög ritning" er yfirfull af versum um blessanir Drottins. Ef þú verð inná www.biblian.is og skrifar "blessun" muntu verða undrandi.

Lykil að blessunum er að finna í 5. mós.28,-

Ef þú hlýðir grandgæfilega raustu Drottins Guðs þíns, svo að þú varðveitir og heldur allar skipanir hans, þær er ég legg fyrir þig í dag, þá mun Drottinn Guð þinn hefja þig yfir allar þjóðir á jörðu,og þá munu fram við þig koma og á þér rætast allar þessar blessanir, ef þú hlýðir raustu Drottins Guðs þíns:

Blessaður ert þú í borginni og blessaður ert þú á akrinum.

Blessaður er ávöxtur kviðar þíns og ávöxtur lands þíns og ávöxtur fénaðar þíns, viðkoma nautgripa þinna og burðir hjarðar þinnar.

Blessuð er karfa þín og deigtrog þitt.

Blessaður ert þú, þegar þú gengur inn, og blessaður ert þú, þegar þú gengur út.

Drottinn mun láta óvini þína bíða ósigur fyrir þér, þá er upp rísa í móti þér. Um einn veg munu þeir fara í móti þér, en um sjö vegu munu þeir flýja undan þér.

Drottinn láti blessun fylgja þér í forðabúrum þínum og í öllu, sem þú tekur þér fyrir hendur, og hann blessi þig í landinu, sem Drottinn Guð þinn gefur þér.

Drottinn gjöri þig að lýð, sem heilagur er fyrir honum, eins og hann hefir svarið þér, ef þú varðveitir skipanir Drottins Guðs þíns og gengur á hans vegum.

Og allar þjóðir á jörðinni munu þá sjá, að þú hefir nefndur verið eftir nafni Drottins, og þær munu óttast þig.

Drottinn mun veita þér gnægð gæða í ávexti kviðar þíns og í ávexti fénaðar þíns og í ávexti lands þíns í landi því, sem Drottinn sór feðrum þínum að gefa þér.

Drottinn mun upp ljúka fyrir þér forðabúrinu sínu hinu góða, himninum, til þess að gefa landi þínu regn á réttum tíma og blessa öll verk handa þinna, og þú munt fé lána mörgum þjóðum, en sjálfur eigi þurfa að taka fé að láni.

Drottinn mun gjöra þig að höfði og eigi að hala, og þú skalt stöðugt stíga upp á við, en aldrei færast niður á við, ef þú hlýðir skipunum Drottins Guðs þíns, þeim er ég legg fyrir þig í dag, til þess að þú varðveitir þær og breytir eftir þeim, og ef þú víkur ekki frá neinu boðorða þeirra, er ég legg fyrir yður í dag, hvorki til hægri né vinstri, til þess að elta aðra guði og þjóna þeim.
5. mós. 28,

Hver er lykillinn að blessunum Drottins?
Hlýða,heiðra og elska Nafnið hans
Hlýða og heiðra Orð hans " Heilög ritning!
Elta ekki aðra guði,né þjóna þeim.

Svo einfalt er það kæru vinir mínir og elskuðu samlandar
og systkini í Jesú Kristi.

Drottinn Guð blessi þig allar stundir.
Helena

Allt snýst þetta um viðhorf.

 

Kona ein vaknaði að morgni,
leit í spegilinn,
og sá að hún var aðeins með þrjú hár á höfðinu.
'Jæja" hugsaði hún, ætli ég hafi ekki hárið greitt aftur í dag.'
Sem hún og gerði og átti fínan dag.


Næsta dag vaknaði hún,
leit í spegilinn  
og sá að hún var aðeins með tvö hár á höfðinu.
'H-M-M,' hugsaði hún,
'Ætli ég skipti ekki bara í miðju í dag.'
Sem hún og gerði og átti frábæran dag.

Næsta dag vaknaði hún,
leit í spegilinn og sá  
að það var aðeins eitt hár á höfðinu.
'Jæja,' sagði hún,  ætli ég verði ekki með
hárið í tagli í dag.'
Sem hún og gerði og átti skemmtilegan dag.

Næsta dag vaknar hún,
lítur í spegilinn og sér  
að það var ekki stingandi strá á höfðinu.
'YAY!' hrópaði hún.
'Ég þarf ekki að hafa áhyggjur af hárgreiðslu í dag!'

Allt snýst þetta um viðhorf.
Lífið snýst ekki um að bíða eftir að storminn lægi..

það snýst um að treysta Guði í öllum kringumstæðum
Guð bregst aldrei.

Njótum helgarinnar
Elskum hvort annað
Guðs blessun allar stundir.
Helena

Við höldum Aglow veislu í kvöld kl.20 í Garðabæ

Aglow í Garðabæ er 2ja ára, ekki hár aldur ef meðal aldur er 70 ár svo við erum rétt að byrja lífið.
Árin tvö hafa verið ævintýri líkust og hefur félögum fjölgað um 400 % sem er all gott enda brennandi
áhugi meðal kvenna að taka þátt í kristilegum samtökum sem vilja hafa áhrif á þjóðfélagið, fjölskyldu, ættingja og vini. Konur eru konum bestar, enginn skilur heim kvenna jafn vel og við sjálfar, tengslanet okkar vex og dafnar æ fl. konur taka þátt í bænahópum, leshópum, líknarstarfi, stjórnunarstörfum, sinna leiðtogahlutverki og láta að sér kveða. Konurnar sem sigur boða er mikill her skrifar Davíð í sálmi 68.

     

Afmælishátíð í kvöld kl.20 dagskráin verður bæði skemmtileg og uppbyggileg við munum að sjálfsögðu syngja og lofa Guð, biðja fyrir innsendum bænaefnum, horfa á myndasýngu sem er ótrúlega skemmtileg, Edda Swan Stjórnarformaður Aglow á Íslandi mun flytja Orð kvöldsins.
Kaffi/te og sætuefni á borðum, kertaljós og hugguleg stemming. Kvöldið í kvöld er sannkallað Dömukvöld  umvafið kærleika Drottins.

Mig langar að bjóða þér í afmælisparty í Garðabæinn kl.20.00 - 22.00

Staður og stund
Skátaheimilið v/ Bæjarbraut í Garðabæ
( stutt frá Garðatorgi)

 

Allar konur,stelpur,húsfreyjur,mæður og dugmiklarkonur velkomnar.

Kær kveðja.
Helena

Það kostar ekkert að elska !

Bóndi sem þurfti að selja fjóra hvolpa, hafði útbúið skilti og var að ljúka við að
negla það á girðingarstaur hjá sér, þegar togað var í samfestinginn hans. 
Þegar hann leit niður, horfðist hann í augu við lítinn strák, sem sagði –
"Heyrðu, mig langar að kaupa einn hvolpinn þinn"
Jæja sagði bóndinn og strauk sér um ennið – "Þessir hvolpar eru af góðu kyni og kosta talsvert"
Strákurinn hikaði smá stund, en stakk síðan hendinni djúpt í vasann
og kom upp með lófafylli af smámynt. Ég er með fimmtíuogníukrónur
– er það nóg til að ég megi skoða þá ?

"Það ætti að vera í lagi" sagði bóndinn.  Að svo mæltu blístraði hann og um leið og hann kallaði –
 
" Hingað Dolly ! "  kom Dolly hlaupandi út úr hundahúsinu og ...
....fjórir litlir loðnir hnoðrar eltu hana.
Augu stáksins ljómuðu – já bara dönsuðu af gleði
þar sem hann horfði á þá í gegn um girðinguna.
 
Þegar hundarnir nálguðust.....
tók strákurinn eftir því að eitthvað hreyfðist inni í hundahúsinu – síðan kom
enn einn lítill loðinn hnoðrinn í ljós og staulaðist í átt til hinna. 
Þótt þessi væri áberandi minni, gerði hann samt sitt besta til þess að halda í við þá.

"Mig langar í þennan" sagði strákur, og benti á litla garminn.
Bóndinn kraup við hlið drengsins og sagði. "Væni minn, þú vilt ekki þennan hvolp
Hann mun aldrei geta hlaupið og leikið við þig eins og hinir hvolparnir."
 
Strákur færði sig frá girðingunni, beygði sig og þegar hann bretti upp aðra buxnaskálmina,
komu í ljós stálspelkur, sem studdu sitthvorumegin við fótlegg hans og voru festar
við sérsmíðaðan skóinn. 

Sjáðu til, ég er ekki svo mikill hlaupari sjálfur og hann þarf á einhverjum að
halda sem skilur hann, sagði stráksi og horfði hann framan í bóndann.

Með tárin í augunum, beygði bóndinn sig eftir litla hvolpinum, tók hann varlega upp
og lagði hann af mikilli nærgætni í fang stráksins

"Hvað kostar hann ?"  spurði strákurinn
   "Ekkert" svaraði bóndinn,
"Það kostar ekkert að elska"               

 

Er kærleiksboðskapur hættulegur?

Spyr Kolbrún Bergþórsdóttir ( í 24stundir í dag). Sem stendur með Guði,Kristi og englunum.Kolbrún er með betri pennum landsins enda rennur Strandablóð í æðum hennar.Kolbrún fær Gullpálmann frá Aglow í Garðabæ og blessunarbænir!

 

... Er það ekki bara af hinu góða að börn fái að heyra af Guði, Jesúbarninu og englunum?

Ég hefði haldið að það veitti nú ekki af slíkri fræðslu í hálftrylltum heimi þar sem menn eru sífellt að lenda á villigötum. Ef einstaklingar ætla að eignast hugarró verða þeir að hafa innri áttavita.

Þann áttavita eignast menn helst með því að tileinka sér fagnaðarboðskap. Og það er farsælast fyrir einstaklinga að kynnast þeim boðskap sem fyrst. Leitt að leikskólarnir skuli neita að taka þátt í svo nauðsynlegri fræðslu

Öll greinin hennar Kolbrúnar.

Við erum kristin þjóð og Guði sé lof fyrir það!

Kristintrú er kennd en ekki boðuð...
Skólinn í hverfinu mínu kennir kristnifræði,goðafræði og. fl. trúarbrögð.Ekki hefur það truflað okkur á neinn hátt enda er hér um fræðslu og kynningu að ræða.Synir mínir höfðu gaman af. Ásatrú fékk áberandi mikla umfjöllun, ekki leit ég á það sem trúboð heldur fræðslu. Ég held að menn verði að gera greinarmun á kristniboði og fræðslu.Biblíusögur eru skemmtilegt fag.

Við erum kristin þjóð.
Stjórnarskrá okkar er byggð á kristnum gildum og siðfræði trúarhefðar okkar. Það hefur margsinnis sýnt sig að þegar á reynir td. í náttúruhamförum og alvarlegum slysum að kirkjur landsins hafa fyllst af fólki sem leitar huggunar í trúnni á Jesúm Krist. Hér í Garðabæ leituðu unglingarnir okkar inní kirkjuna þegar ung stúlka beið bana í bílslysi fyrir 2 árum,skólinn tók einnig þátt í sorg þeirra og söknuði. Þá gengdi bænin og huggun frá Orði Guðs Biblíunni lykil hlutverki. Kristin trú er okkur í blóð borin,látum engan taka þann arf frá okkur.

Við erum kristin þjóð.
Þeir sem flytja hingað til landsins setjast ekki hér að til að umbylta þjóðfélagi okkar né kristinni trú. Á sama hátt og ef við flytjum til Indlands eða Jórdaníu verðum við að aðlaga okkur að þeirra hefð og menningu.Það þýðir samt sem áður ekki að fólk þurfi að afneita trú sinni.Þessvegna skil ég ekki hvernig við ætlum að vera sá gestgjafi sem ætlar að þóknast öllum er hingað flytja.Í mínum huga kallar það á ringulreið.

Guð blessi ykkur öll.

Helena Leifsdóttir,formaður Aglow í Garðabæ 

 

Nei... ekkert !

 

 

Ég lá heima á sjúkrabeði og fylgdist spennt með fjölmiðlum um helgina. Í mínum huga var það ekki spurning að fjölmiðlar sæu ástæðu til að birta myndir og fréttabort frá Bænagöngu sem bar yfirskriftina " Gengið gegn myrkri" gengið var frá Hallgrímskirkju sem í huga okkar margra er  drotting Reykjavíkur.Þrjuþúsund manns gengu niður á Austurvöll til að eiga bænastund fyrir landi
og þjóð.
Ekki er vanþörf á finnst mér, eftir fréttir af hryllilegri nauðgun sem framin var um helgina.
Enn einusinni var kona fórnarlamb ofbeldis og misindismanna.

Ég hlustaði og horfði og vafraði á milli mbl.og vísir ... Nei ekkert !

Lindin Kristilegt útvarp var með útsendingu frá göngunni, en hinsvegar héldu fjölmiðlar ekki vatni yfir opnum nýrrar leikfangaversl. í Garðabæ,viðtöl og myndir af herlegheitunum.

Dagblöðin sáðu heldur ekki ástæðu til að fjalla um gönguna sem var í allastaði til sóma og til að gleðja alla þá sem  vilja vekja þjóðina til umhugsunar um hver staða hennar er í dag á 21 öldinni.
Þjóð sem ekki fyrir alllöngu síðan las húslestra á kvöldin bað bænir og signdi sig,þjóð sem bar virðingu fyrir skaparanum og treysti á hjálp hans.

Nei,gott fólk !  þjóðin þarf á vakningu ljóssins að halda,þessvegna þurfum við að nema staðar og spyrja okkur ætlum við að sætta okkur við meira myrkur? Ætlum við að sætta okkur við að fl. konum sé misþyrmt á götum borgarinnar,ætlum við að sætta okkur við ofbeldið ,hatrið ,reiðina mannfyrirlitininguna,girndina sem tekur völdin um helgar í miðbæ Reykjavikur? Ef einhvern tíma er þörf á BÆNAVAKNINGU er það í dag.
Stöndum vörð um kristin gildi og siðferði það er skylda okkar!

Blessun og friður úr Garðabænum.

Helena

ps. Tónleikarnir i Höllinni eru hér á myndbandi 

 

 

 

Aglow hreyfingin er kraftaverk !

Aglow International 40 ára afmæli
1967-2007

Jane Hansen forseti Aglow International

 
Aglow International hélt uppá 40 ára afmæli hreyfingarinnar í sept. sl. nánar í Seattle Washingtonfylki USA. Fjórtán íslendingar héldu utan til að taka þátt í gleðinni og var þessi ferð stórkostleg upplifun.
Aglow starfar nú meðal 170 þjóða,21 þúsund konur gegna leiðtogastörfum innan hreyfingarinnar og liðlega 17 millj. manns snerta Aglowstarfið með einum eða öðrum hætti daglega á heimsvísu.

Orðsk. 31.25 stendur "Kraftur og tign er klæðnaður hennar og hún hlær að komanda degi "þessi orð eiga vel við Aglowkonurnar.

Hátíðin sjálf stóð í 4 daga með þéttskipaðri dagskrá; Tónleikar,lofgjörð og tilbeiðsla,ræðumenn og konur,kynning á starfi þjóðanna og síðast en ekki sýst var Dagur þjóðanna ákaflega áhrifaríkur.
Hver þjóð átti sinn fulltrúa sem gekk inní salinn með þjóðfánan og ríkti mikil gæsahúð í okkar hóp þegar Rúna Loftsd. gekk inní salinn með íslenska fánann íklædd þjóðbúningi okkar sem er einn sá fallegasti að mínu mati.Við íslendingarnir vorum stolt og blessuð að fá að vera hluti af kraftaverki Guðs sem Aglow starfið er.

 

Aglowstarfið byrjaði við eldhúsborðið í Edmond Seattle árið 1967 við borðið sátu 4 konur sem áttu hugsjón og mynd í huga sínum að ná til kvenna.Engin þekkir heim kvenna jafnvel og konur sjálfar.Teningum var kastað fyrr en varði bættust fl. konur í hópinn,konur sem vildu biðja og leita Guðs fyrir fjölskylduna sína og þjóðfélag.
Bænanet kvenna var fætt,net sem átti eftir að verða ein stærsta og öflugasta hreyfing kvenna í heiminum.

Aglowstarfið byggist á tveimur megin stólpum; Bæn og Trúboð.
Aglow vill sjá konur endurreistar, undirbúnar og gera þeim kleift að ná því hlutskipti sem Guð hefur ætlað þeim. Aglow viðurkennir að endurreisn byrjar með frelsi í Jesú Kristi

Aglow á Islandi heldur uppá 20 ára afmæli starfsins helgina 19-20 okt. nk. á Grand Hótel. Sjö Aglow hópar eru núna starfandi hér á landi.Það er mikil blessun að eiga fólk sem biðja fyrir landi og þjóð daglega.

 Fottar Aglow stelpur frá Islandi

Heimasíða Aglow á Íslandi www.aglow.is

Heimasíða Aglow International www.aglow.org